திமுகவிற்கு பாஜக மறைமுகமாக ஆதரவு?

தூத்துக்குடி வடக்கு மாவட்ட பாஜக உள்ளாட்சி மேம்பாட்டு மாவட்ட செயலாளர் மணிமாடசாமி உட்பட 10க்கும் மேற்பட்ட பாஜக கட்சியை சேர்ந்த இளைஞர்கள், விளாத்திகுளம் திமுக சட்டமன்ற உறுப்பினர் மார்க்கண்டேயன் முன்னிலையில் விளாத்திகுளம் அம்பாள் நகரில் உள்ள திமுக கட்சி அலுவலகத்தில் தங்களை இணைத்துக் கொண்டனர்.புதிதாக இணைந்த பாஜகவினரை  சட்டமன்ற உறுப்பினர் மார்க்கண்டேயன் திமுக கட்சி வேட்டிகளை அணிவித்து வரவேற்றார். தூத்துக்குடி பாராளுமன்ற தொகுதியில்  பாஜக வேட்பாளரை நிறுத்தாமல், பாஜக கூட்டணி கட்சியான,தமிழ் மாநில காங்கிரஸ் கட்சி வேட்பாளர் நிறுத்தியதற்கு தூத்துக்குடி மாவட்ட பாஜக மத்தியில் அதிருப்தியை ஏற்படுத்தி இருக்கும் நிலையில், தற்போது பாஜகவினர் திமுகவில் இணைந்திருப்பது மீண்டும் பரபரப்பினை ஏற்படுத்தியுள்ளது.அதேபோல் விளாத்திகுளம் சட்டமன்ற தொகுதிக்குட்பட்ட ஒரு சில பாஜக நிர்வாகிகள், தூத்துக்குடி பாராளுமன்ற தொகுதியில் பாஜக வேட்பாளரை நிறுத்தாததால், திமுகவிற்கு மறைமுகமாக ஆதரவு தெரிவிப்பதாக விளாத்திகுளம் தொகுதி அரசியல்வட்டாரங்கள் பேசி வருகின்றனர்....!